Femme Proiektua elkarrizketetan oinarritutako bideopodcasta da, Euskal Herriko arte-esparruan emakumeen talentua ikusaraztea eta haien ahotsak plazaratzea helburu duena.

Berta Vittersweet –gazteleraz– eta Afrika Bibang –euskaraz– artistek zuzenduta eta aurkeztuta, espazio seguru, intimo eta iragazkirik gabea eskaintzen du, non hainbat diziplinatako emakume sortzaileek beren sormen-prozesuak, beren lana eta bizi-ibilbidea partekatzen dituzten. 

Formatuak diziplina ezberdinetako hiru gonbidaturen arteko topaketa eta elkarrizketa proposatzen du —horietako bat musika arlokoa—, guztiok ukitzen eta interpelatzen gaituzten hainbat gairen inguruan hitz egiteko. Horrela, esperientzia eta ikuspegi desberdinen arteko elkarrizketa hurbil, anitz eta irekia sortzen da.

Femme Proiektua