Finantzaketa eta jasangarritasun ekonomikoa. Diru-laguntzak, finantziazio-bideak, aurrekontuak eta proiektuak denboran zehar bideragarri eta jasangarri egiteko ereduak.
Mentorea: Jemima Cano
Ordutegia: 10:10etatik 10:40etara | 10:50etatik 11:20etara | 11:20etatik 11:50etara
 

Eskubideak, egiletza eta sorkuntza. Jabetza intelektuala, lizentziak, eskubideen lagapena eta adimen artifizialarekin sortzeak dakartzan erronka berriekin lotutako zalantzak.
Mentorea: Maitane Valdecantos
Ordutegia: 10:40etatik 11:00etara | 11:10etatik 11:30etara
 

Proiektuaren estrategia eta garapena. Ideiak ordenatzeko, norantz egin nahi duzun berrikusteko, lehentasunak identifikatzeko eta zure proiektuaren hurrengo pausoei buruzko erabakiak hartzeko gunea. 
Mentorea: Izaskun Rama
Ordutegia: 11:25etik 11:45era | 11:55etik 12:15era
 

Aliantzak eta aukerak. Lankidetza posibleak nola identifikatu, lan-bide berriak nola ireki eta zure proiektua aurrera egiten lagundu dezaketen pertsona, erakunde edo sektoreekin nola konektatu.
Mentorea: Nagore de los Ríos
Ordutegia: 11:00etatik 11:30era | 15:30etik 16:00etara | 17:50etik 18:20ra

BESEKeko mentoretzak banakako eta doako saioak dira, hainbat esparrutako profesionalekin, zure proiektu edo ibilbide profesionalarekin lotutako erronka, erabaki edo galdera batean aurrera egiten laguntzeko pentsatuak.

Saio bakoitzak 20-25 minutuko iraupena izango du gehienez. Eskaera egitean, landu nahi duzun kontsulta edo erronka zehatza zein den adierazi beharko duzu denbora ahalik eta gehien aprobetxatzeko.

Mentoretzak zalantza eta erronka zehatzak lantzeko pentsatuta daude. Ez da aholkularitza oso bat, baizik eta orientaziorako, hausnarketarako eta laguntzeko gune labur bat, hurrengo pausoak identifikatzen laguntzeko.

Aholkulari bakoitzak banakako hiru edo lau saio eskainiko ditu, ordu-tarte desberdinetan. Plazak eskaera-ordenaren arabera esleituko dira, betiere planteatutako kontsultari parte hartzen duten profesionaletako batek erantzun badiezaioke.

Saioak lan-eremuan –Topagunean– egingo dira, eta bertan espazio bat gordeko da topaketa bakoitza lasaitasunez garatu ahal izatea bermatzeko.

Azkenean zure mentoretzara joaterik ez baduzu, ahalik eta azkarren jakinaraztea eskatzen dizugu, besek.bizkaia@gmail.com helbidera mezu bat bidaliz. Horrela, interesa duen beste pertsona bati eskaini ahal izango diogu plaza.