Laborategi hau ez da hitzaldi teoriko bat, ezta kezka pasiborako espazio bat ere: topaketa praktiko bat da, errealitateak amankomunean jartzeko, balaztak, beldurrak eta beharrak mapatzeko eta dagoeneko ditugun baliabideak ikusarazteko.

Mahaietako lana eta espazioan parte hartzeko dinamikak uztartuz, bildutako informazioak forma emango dio Beharren Liburu Zuriari. Dokumentu publiko bat, politika publikoak diseinatzeko oinarri gisa balioko duena, baina, batez ere, edozein profesional, enpresa edo kolektibok datu errealekin etorkizuneko urratsak bideratzeko erradiografia baliagarri izango dena.

Gune hau bi saiotan banatuta dago eta Beseken web-formularioaren hedapen presentzial eta parte-hartzaile gisa funtzionatzen du.

Hainbat sormen-diziplinatako esperientziak eta begiradak gurutzatuko ditugu web-formularioari jarraipena emateko. Dinamika parte-hartzaile baten bidez eta konfiantzazko giro batean bateratuz, sektorean geldiarazten gaituzten oztopoak, beldurrak eta benetako beharrak mapatuko ditugu, baina baita jada sarean ditugun talentua eta baliabideak ere.

Gailu iraunkorrak: laborategiko lana ateak itxita bakarrik gerta ez dadin, maparen aurrerapenak eta dinamikak modu irekian azalduko dira esparru orokorrean kongresu osoan zehar.