Irailak 21, astelehena
ItzuliMaterial berri eta arrotzen garapena aurkitu, sortu eta pentsatzeko gunea.
Sarrera: Publiko guztiari irekia
Iraupena: 90 min.
Gunea: Zuzenekoak
Artista: Estela Miguel
Jarduera honek material berri eta arrotzen garapena aurkitu, sortu eta pentsatzera gonbidatzen gaitu, material horiek eraldatzeko eta birsortzeko duten aukeratik abiatuta. Esperimentazio gune baten bidez, benetako errezetak landuko dira osagai organiko eta biodegradagarriak birrinduz, nahastuz eta kozinatuz.
Bioplastiko bat eta haren testura-, kolore- eta forma-aldaketak zuzenean ikusiko ditugu, eta kanal interaktibo bat irekiko dugu sortzaileak garatutako mintz-katalogo zabal bat ukitu eta usaintzeko.
Sukaldaritza bioplastikoa. Osagai biodegradagarriak zuzenean eraldatzeko eta manipulatzeko benetazko prozesua.
Katalogo interaktiboa. Mintz organikoen hainbat lagin miatu, ukitu eta usaintzeko diseinatutako zentzumen-gunea.
Material biooinarrituak. Sormenari aplikatutako gertuko substantzien birsorkuntza ulertzeko gako praktikoak.
Parte-hartzaileak
-
Estela Miguel Proyecto HemenGehiago jakin
Estela Miguel artista plastikoa eta diseinatzailea da. Bere sorkuntza marrazkitik eta eskulturatik objektuen eta jantzien unibertsora zabaltzen da. Azken urteetako bere jarduera material berrien ikerketan eta sorkuntzan oinarritzen da, osagai organikoak eta hondakin biodegradagarriak erabiliz. H05 moda esperimentaleko markaren zuzendarikide da eta Markel González, Estel Falgás eta Mireia Olabarrietarekin batera Hemen Proiektua sustatzen du.
Proyecto Hemen
2016an sortutako ekoizpen-tailerra eta prestakuntza zein sorkuntza garaikiderako gunea da. Ehungintza eta zeramika ditu sormen-ardatz nagusi, objektuen balioa berriz pentsatzeko eta artisau-esperimentazio partekatua sustatzeko.