Irailak 21, astelehena
ItzuliProiektuak sortzeaz eta horien atzean dauden pertsonak zaintzeaz hitz egiteko solasaldia.
Sarrera: Publiko guztiari irekia
Iraupena: 75 min.
Gunea: Solasaldiak
Partaideak: Nerea Sciarra (Etxe Betea), Maitane San Nicolás (Filming Intimacy) eta Marta Gómez (Al Borde Films)
Moderatzailea: Maider Martín
Gero eta proiektu gehiago ari dira zainketak gehitzen, ez neurri puntual gisa, baizik eta sortzeko, lan egiteko eta antolatzeko modu bezala. Taldeen kudeaketatik prozesu sortzaileetaraino edo erabakiak hartzeraino, solasaldi honek zaintzak proiektu baten egituran nola gehitu aztertuko du, lan-ingurune jasangarri, kolaboratibo eta bizigarriagoak sortzeko.
Ikus-entzunezkoen sektorean kokatutako hiru esperientzien bidez —betidanik konplexuak izan diren erritmoen ingurune bat—, lan-fluxu seguruagoak nola diseinatu, filmaketetan osasun mentala nola blindatu eta pertsonak nekatu gabe talentua babestea ahalbidetzen duten antolaketa-ereduak aztertuko ditugu.
Parte-hartzaileak
-
Nerea Sciarra Etxe BeteaGehiago jakin
Ikus-entzunezko Komunikazioan graduatua da, eta Arte Garaikide Teknologiko eta Performatiboan masterra du (UPV/EHU). Nerea Sciarrak zinemaren, komunikazioaren eta diseinuaren arteko elkargunean garatzen du bere lana. Film laburretan eta publizitatean arte-zuzendari gisa hasi ondoren, bere dokumental-proiektuak zuzentzeari ekin zion, besteak beste “Mármol negro” eta” Io, le case e loro”. Bere lehen fikziozko film laburra, Pomo d'oro (2024), ZINEBIn estreinatu zen eta Euskal Film Labur onenaren saria jaso zuen ICOFF Gasteizen. Horrez gain, aipamen berezia lortu zuen Huescako Nazioarteko Zinemaldian.
Etxe Betea
Bilboko erdigunean dagoen etxea eta topagunea da, Gariza Films-ek —Lara Izagirrek sortutako ekoiztetxea— 2022an abian jarria emakumeen zinema-sorkuntza babesteko. Ikuspegi feminista eta kulturarteko batetik, elkarlanerako bide berriak sustatzen ditu. 2025etik aurrera, irabazi-asmorik gabeko jarduera Basque Know How Fundazioaren bidez garatzen du, eta harekin lankidetzan jarraitzen du.
-
Maitane San Nicolás Filming IntimacyGehiago jakin
RESADen lizentziatutako aktorea eta nazioarteko ziurtagiria duen intimitate-koordinatzailea da Maitane San Nicolás —PIP ziurtagiria, SAG-AFTRAren bidez—. 2022an Filming Intimacy sortu zuen, eta ikus-entzunezko sektoreko erreferentziazko profesionaletako bat bihurtu da. 40 proiektu baino gehiagotan lan egin du Netflix, Amazon, HBO, Movistar+ eta Disney+ plataformetarako, besteak beste Berlín, Sagrada Familia, Cristo y Rey eta Culpa mía trilogian. Osasun Mentaleko Lehen Sorospenen ziurtagiria du, baita New Yorkeko Consent Forward Artist ziurtagiria ere. Gainera, Asociación Española de Profesionales de la Coordinación de Intimidad (AESCI) elkarteko bazkide eta sortzailekidea da.
Filming Intimacy
Espainiako enpresa aitzindaria da, zinema, telesail eta telebista-proiektuetarako intimitate-koordinazioan espezializatua. Maitane San Nicolás profesionalak 2021eko udan sortua, bere eginkizun nagusia eduki intimoko, biluztasuneko edo sexu-simulazioko sekuentziak kudeatzea, koreografiatzea eta gainbegiratzea da, interpreteen adostasuna eta ongizate fisiko zein emozionala babestuko dituen lan-espazio segurua bermatuz.
-
Marta Gómez Al Borde FilmsGehiago jakin
2020tik Al Borde Filmsen zuzendari eta ekoizlea, Marta Gómez ez-fikziozko zineman espezializatuta dago. Bere ibilbidean, Bogotako Unibertsitate Nazionaleko Sormen Idazketako masterrean irakasle aritu da, Suitzako Plume & Pellicule gidoi-egoitzako hautaketa-batzordean parte hartu du eta Kolonbiako Proimágenes epaimahaikide izan da. Bere lanen artean Hondarrak dokumentala (2024ko Goya Sarietarako hautagaia), Flying Hands (Hot Docsen estreinatua) eta bere azken film luzea, Llámame sinsorga nabarmentzen dira (2025), Varsoviako Nazioarteko Zinemaldian eta Cinequesten aurkeztua.
Al Borde Films2015ean Bilbon sortutako ekoiztetxe kooperatibo eta independentea da, sorkuntzako dokumentala lantzen duena energia-burujabetzaren, ikuspegi feministaren, kode irekiaren eta lan-jasangarritasunaren printzipioetatik abiatuta. IBAIA, REAS eta HEMEN bezalako sareetako kidea da, Goya sarietarako izendatutako lanak ditu eta 2025ean Bihargi Saria jaso zuen euskal zinemari egindako ekarpenagatik.